Sekirite ak Sante

Yon moun k ap denonse se yon moun ki rapòte kondisyon travay li kwè ki danjere oswa ilegal. Ou pa ka fè reprezay kont yon moun k ap denonse paske l rapòte domaj, enkyetid sou sekirite, oswa lòt aktivite ki pwoteje. Reprezay, oswa “aksyon negatif,” ka gen ladan, men se pa sa sèlman, revokasyon, anpeche yon moun jwenn yon lòt travay, oswa refize bay yon travayè avantaj oswa fè menas kont yon travayè. Anplwaye w gen dwa pou:

• depoze yon plent nan Biwo ki Responsab Sekirite ak Sante nan Travay (OSHA)
• patisipe nan yon enspeksyon oswa pale ak yon enspektè
• mande aksè nan dosye ekspozisyon akdosye blesi
• rapòte yon domaj ki gen rapò ak travay.
• mande yon enspeksyon OSHA, epi pale ak enspektè a.
• pote yon plent sou sekirite oswa sante

OSHA soti ak Pratik ki Rekòmande pou Pwogram pou Konbat Reprezay pou ede w kreye yon espas travay kote anplwaye yo santi yo alèz pou yo pale de enkyetid yo san yo pa pè reprezay. Rekòmandasyon yo adapte ak pifò espas travay, e yo ka itilize ide a pou kreye yon nouvo pwogram oswa amelyore you.

Anplwaye yo gen dwa pwoteksyon kont reprezay kèlkseswa estati imigrasyon yo. Sa gen ladann reprezay ki baze sou estati imigrasyon w, tankou menas pou rele otorite imigrasyon yo.  

Lwa Nasyonal sou Relasyon nan Travay pwoteje dwa anplwaye yo tou pou yo patisipe nan “aktivite yo antann yo sou yo” – ki enplike anplwaye ki met ansanm pou amelyore kote y ap travay, sa gen ladan l sekirite ak Sante nan travay la. Yon egzanp ka enplike de oswa plis anplwaye k ap pale sou pwoblèm ki gen rapò ak travay anplis de salè, tankou enkyetid sou sekirite, youn ak lòt, oswa yon anplwaye pale ak yon konpayi sou non youn oswa plis kòlèg sou sekirite nan espas travay.