Sekirite ak Sante

Ijans nan travay, kit se akoz danje nan travay oswa katastwòf natirèl kreye yon seri danje pou travaayè yo kote ki afekte yo. Nan sitiyasyon konsa, sekirite travayè yo se yon bagay ki an priyorite. Prepare anvan yon ensidan esansyèl pou w asire w ou menm ak travayè w yo gen ekipman nesesè, yo konnen kote pou yo ale, ak fason pou yo rete an sekirite lè gen ijans. Pou ede, Biwo ki Responsab Sekirite ak Sante nan Travay (OSHA) bay resous nan yon gwo seri konsiderasyon nan kad preparasyon pou ijans. 

Pi bon fason pou w pwoteje travayè w yo se “atann sa w panse ki p ap rive” epi pran san w pou w kreye yon Plan Aksyon Ijans (EAP) pou sèvi kòm yon gid lూè aksyon imedya nesesè. Annik kreye yon EAP pa ase, yon EAP ap itil sèlman si sa k ladan l yo ajou e anplwaye yo gen ase enfòmasyon ak fòmasyon anvan yo bezwen fè tout moun soti. Prèske tout biznis gen obligasyon pou yo gen yon EAP, sa k ap ede yo òganize aksyon konpayi a ak anplwaye yo lè gen yon ijans nan travay la. An jeneral, ou dwe gen yon EAP si travay ou a bay oswa mande pou gen aparèy pou touye dife e si nenpòt moun ap kouri soti pandan yon ijans. Plis presizeman, OSHA egzijan EAP pou prensip ki annapre yo: 29 CFR §§ 1910.66, 1910.119, 1910.160, 1910.164, 1910.272, 1910.1047, 1910.1050, ak 1910.1051.  

Lòt enfòmasyon, sa gen ladan l kèk egzijans fondamantal OSHA pou ijans nan sektè jeneral, ak travay maritim, disponib sou paj entènèt Preparasyon Jeneral OSHA pou Sektè Jeneral, Konstriksyon, ak Maritim nan.