Salè ak Avantaj

Anjeneral, ou dwe peye anplwaye ou yo pou pi piti salè minimòm federal la ($7.25) pou tout èdtan travay yo, kèlkeswa si yo peye yo pa lè, jou, oswa pa pyès. Gen kèk lwa eta ak lokal ki bay pi gwo pwoteksyon anplwaye yo; anplwaye yo gen dwa nan pi wo salè minimòm lokal, etatik oswa federal ki aplikab ak yo menm. Pou travay ki fèt sou oswa an koneksyon avèk kontra federal yo, ou dwe peye anplwaye yo yon salè minimòm ki pi wo.

Ou ka peye anplwaye ki touche poubwa yo yon salè lajan kach pa mwens pase $2.13 pa èdtan dapre lwa federal la ou respekte egzijans anvan w reklame yon kredi kont rès obligasyon salè minimòm lan. Si poubwa ki mete avèk salè lajan kach la pa egal ak salè minimòm nan ($7.25), ou dwe kouvri diferans lan. Remake anpil eta bezwen montan salè dirèk pou anplwaye ki resevwa poubwa yo.

Ou ka peye moun ou fenk anboche yo salè minimòm ($4.25) pandan premye 90 jou yo antre nan travay la si yo gen mwens pase 20 an, men apre 90 jou travay oswa apre yo fin rive nan 20 an (nenpòt sa ki vin anvan an), ou dwe peye yo salè minimòm nan. Konpayi ki resevwa yon Sètifika Seksyon 14 (c) nan men Depatman Travay Etazini an ka peye anplwaye yo mwens pase salè minimòm si yo se elèv ki enskri nan lekòl pwo pwofesyonèl, etidyan aplentan nan kèk espas travay, oswa moun ki gen pwoblèm salè oswa kapasite pwodiktif akoz yon andikap.

Ou dwe peye anplwaye yo pou tout èdtan yo travay nan yon semèn travay. An jeneral, “èdtan travay” gen ladann tout tan yon anplwaye fè nan sèvis la, oswa nan espas travay la. Nòmalman, yo dwe peye tan ki pase nan fòmasyon, deplasman de yon sit a yon lòt pandan jounen an, epi fè travay reparasyon. Sof si w gen eksepsyon, ou dwe peye anplwaye w yo lè siplemantè omwen 1.5 fwa montan regilye yo apre 40 èdtan travay nan yon semèn travay ki gen sèt jou kèlkeswa stati imigrasyon yo. Pa gen okenn limit nan katite èdtan anplwaye ki gen 16 an oswa plis ka travay nan nenpòt semèn travay. Lwa federa; pa egzije pèman lè siplemantè pou travay nan jou samdi, dimanch, ak konje, oswa jounen repo, sof si w travay lè siplemantè nan jou sa yo.

Yon salè min imòm ki diferan ki plis ka aplike pou travay ki fèt sou oswa an koneksyon avèk kontra federal yo ak kontra sèvis yo. Si anplwaye yo fè travay sou oswa an konesksyon ak kèk kontra federal ki pou dat oswa anvan 30 janvye 2022, ou dwe peye anplwaye w gen ki travay nan kontra a sof si kontra a se omwen yon salè minimòm $11.25 pa èdtan. Pou anplwaye ki touche poubwa yo ki travay sou oswa an konesksyon ak kèk kontra federal, ou dwe peye anplwaye w genyen ki travay nan kontra a sof si kontra a se omwen yon salè minimòm $7.90 pa èdtan. Si anplwaye yo fè travay sou oswa an konesksyon ak kèk kontra federal ki pou dat, renouvle oswa pwolonje 30 janvye 2022, an jeneral ou dwe peye anplwaye w yo omwen yon salè minimòm $15.00 pa èdtan.

Ou dwe peye yon anplwaye sèvis ki travay sou yon kontra gouvènman federal sou yon kontra sèvis omwen montan ki anvigè a nan zòn nan pou klasman anplwaye a ap travay la. Montan ki anvigè a se salè minimòm pou w peye ki baze sou sa ki anvigè nan zòn nan kote travay la ap fèt la, plis avantaj sosyal. Si yon anplwaye fè yon travay nan yon kontra konsa, anplwaye a dwe touche omwen salè ki anvigè nan moman an pou travay li fè a. Ale sou Sam.gov pou w jwenn montan salè ki aplikab pou yon kontra sèvis federal.

Yon travayè konstriksyon k ap fè travay nan yon pwojè konstriksyon federal oswa ki gen finansman federal ki gen pou l respekte egzijans Davis-Bacon yo dwe touche omwen montan ki anvigè a nan zòn nan pou klasman anplwaye a ap travay la. Montan ki anvigè a se salè minimòm ak avantaj sosyal pou w peye ki baze sou sa ki anvigè nan zòn nan kote travay la ap fèt la.