Salè ak Avantaj

Sòf si w egzante, konpayi yo dwe peye anplwaye yo lè siplemantè omwen 1.5 fwa pousantaj regilye yo apre 40 èdtan travay nan yon semèn travay ki gen sèt jou.

Ou dwe peye anplwaye yo pou tout èdtan yo te travay nan yon semèn travay. An jeneral, “èdtan travay” gen ladann tout tan yon anplwaye fè nan sèvis la, oswa nan espas travay la. Nòmalman, yo dwe peye tan ki pase nan fòmasyon, deplasman de yon sit a yon lòt pandan jounen an, epi fè travay reparasyon. 

Anjeneral, anplwaye yo gen dwa pou yo touche omwen salè minimòm federal la ($7.25) pou tout èdtan travay yo, kèlkeswa si yo peye yo pa lè, jou, oswa pa pyès. Gen kèk lwa eta ak lokal ki bay pi gwo pwoteksyon anplwaye yo; anplwaye yo gen dwa nan pi wo salè minimòm lokal, etatik oswa federal ki aplikab ak yo menm.  

Sòf si yo egzante, anplwaye yo gen dwa pou yo touche salè minimòm ak lè siplemantè kèlkeswa sitiyasyon imigrasyon yo.