Konsènan - Employer

Konsènan Employer.gov

Depatman Travay Etazinite kreye Employer.gov pou bay enfòmasyon sou responsablite kreyatè travay yo anvè travayè yo epi reponn kesyon ki pi komen yo. Sit sa a pa konplè. Zouti asistans pou konfòmite sa a kouvri plizyè sijè ak lwa travay ajans federal yo aplike:

DOL

Misyon Depatman Travay (DOL) se ankouraje, pwomote, ak devlope byennèt moun k ap touche salè yo, moun k ap chèche travay, ak moun ki retrete Ozetazini; amelyore kondisyon travay; opòtinite avanse pou travay pwofitab; epi asire avantaj ak dwa ki gen rapò ak travay.

EEOC

EEOC responsab pou aplike lwa federal yo ki rann ilegal tout diskriminasyon kont yon kandida oswa yon anplwaye akoz ras yon moun, koulè po, relijyon, sèks (ki gen ladan l gwosès, idantite sèks, ak oryantasyon seksyèl), peyi moun nan soti, laj (40 oswa plis), andikap, oswa enfòmasyon jenetik.

DOJ

Depatman Jistis Etazini (DOJ) aplike lwa federal ki entèdi pratik travay ki fè diskriminasyon sou baz ras, sèks, andikap, relijyon, orijin nasyonal, ak estati sitwayènte.

NLRB

Komisyon Konsèy Nasyonal pou Relasyon Travay (NLRB) se yon ajans federal endepandan ki gen pouvwa pou pwoteje dwa anplwaye yo pou yo mete tèt yo ansanm pou adrese kondisyon travay yo epi/oswa pou òganize epi detèmine si yo genyen yon sendika kòm reprezantan negosyasyon kolektif yo. NLRB aji tou pou anpeche epi remedye ak pratik travay enjis ki garanti pa patwon ak sendika a.

Sit konpayon Employer.gov, Worker.gov, bay enfòmasyon sou dwa travayè yo ak enkyetid komen nan espas travay yo. Epitou nan seri resous asistans pou konfòmite sa yo genyen Konseye elaws (Employment Laws Assistance for Workers and Small Businesses), yon seri zouti entèraktif, sou entènèt ki ede anplwayè ak anplwaye yo aprann plis sou dwa ak responsablite yo anba anpil lwa travay federal yo.