Enklizyon nan Espas Travay

Ou dwe trete moun k ap aplike pou travay yo ansanm ak anplwaye ki la deja yo yon fason egal, kèlkeswa enfòmasyon jenetik yo, sa ki gen ladan l pase medikal fanmi an. Anjeneral, sa vle di w pa kapab: 

• revoke,
• refize yon travay oswa pwomosyon,
• bay mwens tach,
• fòse w pran konje, oswa
• modifye yon fason ki negatif règleman ak kondisyon travay pou yon moun akoz enfòmasyon jenetik li. 

Si w se yon konpayi ki kouvri, ou pa ka itilize enfòmasyon jenetik (tankou tès jenetik yon moun oswa manm fanmi l, pase medikal fanmi w, oswa demann li, oswa resevwa sèvis jenetik tankou konsèy jenetik) pou pran desizyon konsènan travay. 

An jeneral li ilegal pou w gen enfòmasyon souenfòmasyon jenetik yon moun. Gen sis eksepsyon pou règ sa a (sa vle di, sitiyasyon kote aprann konsènan enfòmasyon jenetik pa ilegal), sa ki gen ladan l, men se pa sa sèlman, tande yon anplwaye k ap pale konsènan sante yon moun nan fanmi l, li konsènan sante yon anplwaye nan jounal, oswa gen dosye medikal fanmi yon anplwaye nan kad pwosesis pou sètifye dapre lalwa. Li ilegal tou pou w pataje nenpòt enfòmasyon jenetik ou jwenn, sof nan sitiyasyon ki presi (tankou si w mande alekri enfòmasyon jenetik ki fè pati sèvis sante oswa jenetik li te resevwa nan men w, si pataj la nesesè pou deklare kalifikasyon pou lwa sou konje familyal, oswa an repons a yon lòd tribinal ki mande yon fason presi enfòmasyon jenetik yo). 

Ou dwe konsève nenpòt enfòmasyon jenetik ou jwenn nan dosye medikal ou separe de dosye pèsonèl yo epi trete dosye sa yo kòm dosye medikal konfidansyèl. 

Ou pa ka fè diskriminasyon kont moun ki aplike pou travay oswa anplwaye ki gentan la akoz: 

• pase medikal fanmi l,
• enfòmasyon ki soti nan tès jenetik yon moun oswa yon manm fanmi l (tankou yon tès pou gade si yon moun gen yon jèn ki montre li gen chans pou l gen yon kategori kansè nan tete, oswa yon tès pou detèmine prezans anomali jenetik nan yon fetis),
• demann yon moun fè oswa demann yon manm fanmi l fè pou resevwa sèvis jenetik oswa patisipasyon nan rechèch klinik ki gen ladan sèvis jenetik, ak
• enfòmasyon jenetik sou yon fetis yon moun oswa yon manm fanmi w pote ak enfòmasyon jenetik nenpòt anbriyon moun nan oswa yon manm fanmi l genyen legalman lè yo sèvi avèk teknoloji repwodiksyon asiste.

Ou pa ka janm itilize enfòmasyon jenetik pou pran yon desizyon konsènan travay paske enfòmasyon jenetik yo pa gen rapò ak kapasite yon moun genyen pou w travay nan moman an.