Menu
Menu
Kontra Konstriksyon ak Sèvis Federal
Dekrè Egzekitif 13658 ak 14026 fikse tou salè minimòm travayè yo dwe touche lè yo travay oswa gen rapò ak kèk kontra federal. Dekrè Egzekitif 14026 aplike pou kèk kontra konstriksyon ak sèvis, sa gen ladan l kontra ki gen pou aplike Lwa Davis-Bacon nan oswa Lwa Kontra Sèvis la, ki te vote, revouvle, oswa pwolonje nan dat oswa apre 30 janvye 2022. Montan salè minimòm yo dwe peye travayè ki fè travay sou kontra oswa ki gen rapò ak kontra ki kouvri anba Manda Egzekitif 14026 la an jeneral se $16.20 pa èdtan pou ane 2023 a, pandan montan minimòm salè kach yo peye an jeneral anplwaye ki resevwa poubwa pou travay yo fè oswa gen rapò ak kontra ki kouvri yo se $13.75 pa èdtan.
Kontra yo bay nan dat oswa ant 1ye janvye 2015 ak 29 janvye 2022 ap respekte Dekrè Egzekitif 13658 “Ki fikse yon salè minimòm pou kontraktè” ki mande yon salè minimòm ki pi ba pase kontra ki fèt nan dat 30 janvye 2022 oswa kontra ki te renouvle oswa pwolonje nan dat oswa apre 30 janvye 2022 yo ap respekte Dekrè Egzekitif 104026 “Ogmante Salè Minimòm pou Kontraktè Federal“, ki mande yon montan ki pi wo pou salè minimòm. Montan salè minimòm yo dwe peye travayè ki fè travay sou kontra oswa ki gen rapò ak kontra ki kouvri anba Dekrè Egzekitif 13658 la an jeneral se $12.15 pa èdtan pou ane 2023 a, pandan montan minimòm salè kach yo peye an jeneral anplwaye ki resevwa poubwa pou travay yo fè oswa gen rapò ak kontra ki kouvri yo se $8.50 pa èdtan.
Nou pran angajman pou ede w konprann responsablite w yo antanke yon konpayi. Ou ka jwenn repons pou anpil kesyon sou responsabilite w grasa Konseye elaws ki annapre a (Asistans sou Lwa Travay pou Travayè ak Ti Biznis yo):
Pou plis asistans, tanpri kontakte, Divizyon sou Salè ak Orè Travay (WHD) nan Depatman Travay Etazini an:
Asistans nou gratis e yo konfidansyèl.
Konstriksyon
Lwa Davis-Bacon ak Lwa ki Koresponn yo (DBRA) egzije pèman salè ki aplikab nan zòn nan pou mekanisyen ak travayè ki fè travay nan pwojè konstriksyon ki resevwa finansman oswa èd gouvènman federal la. Salè Davis-Bacon ki gen nan moman an se salè pa èdtan debaz la met ak nenpòt avantaj sosyal ki mansyone pou yon klasman presi travayè nan desizyon sou salè aplikab Davis-Bacon. Yon lis pou deside sou salè Depatman Ki Responsab Salè ak Lè (WHD) a mete sou pye pou aplike nan yon zòn byen presi pou yon seri kalite konstriksyon e ki obligatwa pou kontraktè sou sit travay la afiche l yon kote tout moun konnen e ki aksesib kote li fasil pou travayè yo wè. Desizyon sou salè Davis-Bacon yo pibliye anliy sou Sam.gov.
Si w ap fè travay nan yon pwojè konstriksyon ki resevwa finansman oswa èd gouvènman federal la ki gen pou l respekte egzijans Davis-Bacon nan, ou dwe peye travayè ki kouvri yo omwen salè ki aplikab nan moman an pou yo ka travay sou pwojè a. Pa egzanp, si travayè a ap travay nan kategori elektrisite, yo dwe peye l kantite salè ki anvigè a ki mansyone nan salè ki pou elektrisyen yo.
Sèvis
Lwa Kontra Sèvis la (SCA) aplike pou kèk kontra sèvis ki aplike Etazini oswa Distri Kolonbi vin avè l. Kontraktè oswa soutretan nan kontra ki kouvri konsa dwe peye anplwaye sèvis k ap fè travay nan kontra a yon salè minimòm ak avantaj sosyal, lè sa aplikab. Montan salè a ak avantaj sosyal yo dwe peye a mansyone nan deskripsyon salè SCA. Kontraktè a oswa nenpòt soutretan ki nan yon kontra SCA ki kouvri dwe fè chak anplwaye sèvis konnen kòmansman travay lajan pou salè minimòm ak nenpòt avantaj sosyal pou yo peye oswa dwe afiche deskripsyon salè a ki vin ak kontra sa a nan yon kote tout moun ka wè l e tout moun gen aksè nan travay la. Desizyon sou salè SCA yo pibliye anliy sou Sam.gov.
Si w ap fè travay nan yon kontra sèvis SCA kouvri, ou dwe peye travayè ki kouvri yo omwen salè ki aplikab nan moman an pou l klasman y ap travay la.
Èske w bezwen plis enfòmasyon?
Konseye elaws (Lwa Asistans Travay pou Travayè ak Ti Biznis) yo se yon seri zouti sou entènèt devlope pa Depatman Travay Etazini pou ede anplwaye ak konpayi yo konprann dwa yo ak responsablite yo anba lwa travay federal yo.
200 Constitution Ave NW, Washington, DC 20210
1-866-487-2365 | TTY 1-877-889-5627