Salè ak Avantaj

Ou dwe peye anplwaye yo yon fason jis pou travay yo. Nan kad yon lwa federal, fanm ak gason gen dwa pou yo touche menm lajan si yo fè menm travay kote y ap travay la. Lwa sa a kouvri pifò anplwaye nan sektè piblik ak prive e yo pa bezwen yon kantite anplwaye minimòm. Lalwa konsidere si travay la “konplètman egal”, se pa si travay la menm. Sa ki fè pati de travay (se pa tit travay la) se sa ki fè konnen si travay la “konplètman egal”. Tout kalite konpansasyon anba pwoteksyon lwa sa a, sa gen ladan l salè, pèman pou liplemantè, bonis, opsyon bous, pataj pwofi ak plan bonis, asirans vi, pèman vakans ak konje, alokasyon pou netwayaj oswa gaz, lojman nan otèl, remèt lajan pou depans vwayaj, ak avantaj sosyal. 

Yon lòt lwa federal entèdi tou pifò konpayi ki gen omwen 15 anplwaye pou fè diskriminasyon ki baze sou sèks (pami lòt kategori tankou ras, koulè po, relijyon, ak peyi yon moun soti) nan pèman ak avantaj sosyal. Men, dapre lwa sa yo, pa gen okenn obligasyon pou travay yo “konplètman egal.” Men kèk egzanp prèv ki ka montre gen diskriminasyon ki baze sou sèks: 

• yon aplikasyon ki baze sou diskriminasyon de yon politik oswa yon sistèm salè, oswa yon teknik pou fikse salè ki gen diskriminasyon;
• obstak pou jwenn aksè egal nan travay ki byen peye yo; 
• salè yo fè espre y ap bese akoz sèks anplwaye nan travay la; oswa
• yon politik konpansasyon ki sanble jis oswa pratik ki gen yon enpak siyifikativman negatif sou anplwaye nan yon klas pwoteje san yo pa yon gen demonstrasyon ke politik la oswa pratik la gen rapò ak travay e li konsistan ak nesesite biznis.

Met sou sa, Dekrè Egzekitif 11246 entèdi kèk kontraktè federal ak sou-kontraktè pou yo fè diskriminasyon nan desizyon travay, ki gen ladan konpansasyon, sou baz sèks (ansanm ak ras, koulè, relijyon, oryantasyon seksyèl, idantite sèks, peyi yon moun soti. Seksyon 503 nan Lwa 1973 sou reyadaptasyon an entèdi kontraktè federal ak soutretan yo pou fè diskriminasyom travay (salè ladan l tou) kont moun ki gen andikap. Lwa Règleman Asistans pou Reajisteman Ansyen Militè Epòk Vyetnam (VEVRAA) nan entèdi kontratè ak Sou tretan pou yo fè diskriminasyom travay (salè ladan l tou) kont ansyen militè ki pwoteje.