Enklizyon nan Espas Travay

Diskriminasyon sou laj rive lè yon moun ki aplike pou yon travay oswa yon anplwaye yo trete yon fason ki defavorab akòz laj yo. Li ilegal pou w fè diskriminasyon kont yon moun paske li gen 40 lane oswa plis. Anjeneral, sa vle di ke w pa kapab: 

• revoke,
• refize yon travay oswa pwomosyon,
• bay mwens tach,
• fòse pran yon konje,
• bay pi piti avantaj (tankou kouvèti asirans ke patwon bay) sof si pri yo jistifye, oswa
• modifye yon fason ki negatif tèm ak kondisyon travay pou moun ki gen 40 lane oswa plis akòz laj yo.

Li pa ilegal pou favorize travayè ki pi gran yo baze sou laj, menm si sa afekte yon jèn travayè ki gen 40 lane oswa plis. 

Diskriminasyon kapab rive menm si diskriminatè a gen 40 lane oswa plis. Ou pa dwe otorize manadjè yo, kòlèg travay yo, oswa lòt moun nan espas travay la asele moun ki gen 40 lane oswa plis akòz laj yo. 

Yon pratik travay ki aplike pou tout moun, kèlkeswa laj yo, kapab ilegal si li gen yon enpak negatif sou travayè ki aje yo plis pase travayè ki pi jènn yo epi li pa baze sou yon faktè ki rezonab ki pa laj. 

Malgre ke pa gen okenn lwa federal ki pwoteje jènn travayè a kont diskriminasyon sou laj, kèk eta ak lokalite gen lwa sa yo. Nou ta dwe remake tou ke lwa federal mete sèten restriksyon sou tach travayè ki poko gen 18 lane yo.